নিউজ ডেস্কঃ
ৰাজধানী দিল্লীৰ প্ৰদূষণৰ মাত্ৰা এনে পৰ্যায়লৈ গৈছে যে তাৰ বাবে প্ৰথমবাৰৰ বাবে অনির্দিষ্টকালৰ বাবে দিল্লী আৰু ওচৰ-পাজৰৰ স্কুল, কলেজ বন্ধ কৰি দিয়া হৈছে। অর্ধেক কৰ্মচাৰীক ঘৰৰ পৰাই কাম কৰাৰ নির্দেশ দিছে ‘কমিছন ফৰ এয়াৰ কোৱালিটি মেনেজমেন্ট’ (চিএকিউএম)-এ।
মঙ্গলবাৰে নিশা জাৰি কৰা ৯ পৃষ্ঠাৰ নির্দেশনাটোত চিএকিউএম এনচিআৰৰ (নেচনেল কেপিটেল ৰিজিঅন বা বৃহত্তৰ দিল্লী) অন্তর্গত ৰাজ্য চৰকাৰবোৰক পৰামর্শ দিছে যেন ২১ নৱেম্বৰ পর্যন্ত অন্তত প্রতিটো কার্যালয়ত ৫০ শতাংশ কৰ্মচাৰীক ঘৰৰ পৰা কাম কৰোৱা হয়। এনচিআৰ এলেকাত পৰিছে দিল্লী, হাৰিয়ানা, ৰাজস্থান আৰু উত্তৰ প্রদেশ। ব্যক্তিগত কার্যালয়বোৰেও বাধ্যতামূলকভাবে অর্ধেক কৰ্মচাৰীক ঘৰৰ পৰা কাম কৰোৱাৰ নির্দেশনা পালন কৰিব লাগিব।
আন আন বাধা-নিষেধবোৰ হৈছে:
দিল্লী তথা এনচিআৰ এলেকাত সকলো ধৰণৰ নির্মাণ কাম বন্ধ। নির্দেশ অমান্য কৰিলে ভৰিব লাগিব বৃহৎ অঙ্কৰ জৰিমনা।
অৱশ্যে ৰেহাই দিয়া হৈছে চেণ্ট্ৰেল ভিস্তা প্রকল্প।
দিল্লীত ২১ নৱেম্বৰ পর্যন্ত বাহিৰৰ ট্রাক সোমোৱাত নিষেধাজ্ঞা জাৰি। ব্যতিক্রম কেৱল জৰুৰী পৰিসেৱা প্রদানকাৰী ট্রাক।
ৰাজধানীৰ ১১টা তাপ বিদ্যুৎ কেন্দ্রৰ ভিতৰত মাত্র ৫টা খোলা, ৬টা বন্ধ।
১৫ বছৰৰ পুৰণি পেট্র’ল গাড়ী আৰু ১০ বছৰৰ পুৰণি ডিজেল গাড়ী ৰাস্তাত ওলাব নোৱাৰিব। অন্যান্য গাড়ীৰ ক্ষেত্রত প্ৰদূষণৰ মাত্রা জোখা হ’ব।
২১ নৱেম্বৰত পুনৰ পৰিস্থিতি পর্যালোচনাত বহিব চিএকিউএম। পৰিস্থিতিৰ উন্নতি হ’লে বাধা-নিষেধ পৃথক হোৱাৰ সম্ভাৱনা আছে।
